Platearbeidarfaget
Sist oppdatert: 21/08/2020
Ein platearbeidar formar plater, røyr og profilar, og sett dette saman til større konstruksjonar
Aktuelle arbeidsplassar
Arbeidsplassar for platearbeidarar finst mellom anna innanfor kjemisk og mekanisk industri, oljeverksemd, skipsindustri og treforedling.
Sentrale arbeidsoppgåver
- vedlikehald og feilsøking på verktøy og sveiseutstyr
- utføring av arbeidsprosessar etter fastsett metode
- bruk av alle typar platebearbeidingsmaskiner
- handtering av materiale, hjelpestoff og verktøy for materialbearbeiding
- samansetjing av delane til større komponentar og konstruksjonar
- detaljforming av tjukke og tynne plater, røyr og profilar
Personlege eigenskapar
Ein platearbeidar må kunne arbeide nøyaktig, effektivt, rasjonelt og planmessig, både sjølvstendig og saman med andre. Du bør ha teknisk innsikt, sosial kompetanse og godt handlag.
Utdanningsveg
- Vg1 Teknologi- og industrifag / Vg1 Elektro og datateknologi.
- Vg2 Industriteknologi
- Vg3 Opplæring i bedrift i to år. Fagbrev etter bestått fagprøve
Les meir på: vilbli.no